Futbol bo‘yicha Italiya A Seriyasining 33-turidan o‘rin olgan o‘yinda “Roma” 18-aprel, dushanba kuni “Napoli” bilan bahs yuritdi.
Neapolda o‘tgan bahs 1:1 hisobidagi durang natija bilan yakunlandi. 11-daqiqada Lorenso Insinye 11 metrlik jarima zarbasidan hisobni ochgan bo‘lsa, 90+1-daqiqada Stefan ash-Shaaravi “bo‘rilar”ni mag‘lubiyatdan qutqarib qolgan golga mualliflik qildi.
“Roma”ning o‘zbekistonlik hujumchisi Eldor Shomurodov mazkur bahsda maydonga tushirilmadi.
Ushbu durangdan keyin “Roma”ning ochkolari soni 58 taga yetdi, jamoa 5-o‘rinda bormoqda. “Napoli” (67) esa 3-pog‘onani band etgan.
A Seriya
33-tur bahsi
18-aprel, dushanba
“Napoli” – “Roma” 1:1
Gollar: 1:0 – 11, penalti Insinye, 1:1 – 90 El-Shaaravi.“Napoli”: Meret, Zanoli, Kulibali, Rrahmani, Mariu Ruy, Lobotka (Zelinski, 57), Fabian Ruis (Demme, 68), Zambo-Angissa, Insinye (Jezus, 82), Losano (Elmaz, 68), Osimhen (Mertens, 83).
“Roma”: Ruy Patrisiu, Karsdorp, Smolling, Manchini (Karles Peres, 84), Rojer, Zalevski (ash-Shaaravi, 75), Serjiu Oliveyra (Veretu, 75), Kristante (Mxitaryan, 46), Pellegrini, Zaniolo (Afena-Gyan, 86), Abraham.
Ogohlantirishlar: Kristante (17), Kulibali (37), Zanoli (52), Losano (62), Insinye (64), Zaniolo (71).
Izoh (0)