“Liverpul” Chempionlar Ligasi chorak finalida “Benfika”ni mag‘lub etib (3:1, 3:3), yarim finalga chiqdi.
Mersisaydliklar o‘z tarixida 12-marta Chempionlar Ligasi/Kubogi yarim finaliga yo‘l oldi.
Ingliz jamoalari ichida faqatgina “Manchester Yunayted” ushbu natijani qayd etgandi. “Qizillar” mankunianliklarning natijasini takrorladi. Uchinchi o‘rinda 8 ta yarim final bilan “Chelsi” bormoqda.
Yarim finalga chiqish bo‘yicha Yevropaning barcha klublari o‘rasida “Real” rekordchi hisoblanadi. Madridliklar hisobida 31 ta yarim final mavjud.
Yurgen Klopp “Liverpul”ni beshta urinishdan uchinchi marta YChL yarim finaliga olib chiqdi. 1/2 finalda ingliz jamoasi “Vilyarreal”ga qarshi bahs olib boradi.
Nemis mutaxassis qo‘l ostida mersisaydliklar 2017/18 va 2018/19-yillarda finalga qadar yetib borgan. Dastlabki finalda “Real”ga mag‘lub bo‘lgan bo‘lsa, ikkinchi finalda “Tottenhem” ustidan g‘alaba qozonib, “shalpangquloq”ni qo‘lga kiritgan.
Izoh (0)