Futbol bo‘yicha Yevropa Chempionlar Ligasining chorak final javob bahslari 12 va 13-aprel kunlari bo‘lib o‘tdi hamda yarim final ishtirokchilari ma’lum bo‘ldi.
Yarim finalga La Liga va APLning ikkitadan jamoasi yo‘l oldi. Finak yo‘llanmasi uchun “Real” “Manchester Siti”ga qarshi bahs olib borsa, “Liverpul” “Vilyarreal” bilan bellashadi.
“Real” chorak finalda “Chelsi”ni ortda qoldirdi (3:1, 2:3), “Manchester Siti” esa “Atletiko”dan ustun keldi (1:0, 0:0). O‘z navbatida “Vilyarreal” “Bavariya”ni (1:0, 1:1), “Liverpul” esa “Benfika”ni musobaqadan chiqarib yubordi (3:1, 3:3).
Yarim finalning dastlabki bahslari 26 va 27-aprel kunlari, javob o‘yinlari esa 3 va 4-may kunlari bo‘lib o‘tadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)