«Ливерпуль» Чемпионлар Лигасида «Манчестер Юнайтед»нинг рекордини такрорлади

«Ливерпуль» Чемпионлар Лигаси чорак финалида «Бенфика»ни мағлуб этиб (3:1, 3:3), ярим финалга чиқди.

Мерсисайдликлар ўз тарихида 12 марта Чемпионлар Лигаси/Кубоги ярим финалига йўл олди.

Инглиз жамоалари ичида фақатгина «Манчестер Юнайтед» ушбу натижани қайд этганди. «Қизиллар» манкунианликларнинг натижасини такрорлади. Учинчи ўринда 8 та ярим финал билан «Челси» бормоқда.

Ярим финалга чиқиш бўйича Европанинг барча клублари ўрасида «Реал» рекордчи ҳисобланади. Мадридликлар ҳисобида 31 та ярим финал мавжуд.

Юрген Клопп «Ливерпуль»ни бешта уринишдан учинчи марта ЕЧЛ ярим финалига олиб чиқди. 1/2 финалда инглиз жамоаси «Вильярреал»га қарши баҳс олиб боради.

Немис мутахассис қўл остида мерсисайдликлар 2017/18 ва 2018/19 йилларда финалга қадар етиб борган. Дастлабки финалда «Реал»га мағлуб бўлган бўлса, иккинчи финалда «Тоттенҳэм» устидан ғалаба қозониб, «шалпангқулоқ»ни қўлга киритган.