Yevropa Chempionlar Ligasida haftaning eng yaxshi o‘yinchisi nomiga da’vogarlar ma’lum bo‘ldi

Yevropa Chempionlar Ligasida 12 va 13-aprel kunlari 1/4 finalning javob bahslari doirasidagi to‘rtta uchrashuv bo‘lib o‘tdi.

UEFA mazkur o‘yinlardan keyin haftaning eng yaxshi o‘yinchisi nomiga da’vogarlar ro‘yxatini e’lon qildi.

• Luka Modrich (“Real”) — “Chelsi”ga qarshi o‘yinda (2:3) assist va 90% uzatmalar aniqligi;
• Raul Albiol (“Vilyarreal”) — “Bavariya”ga qarshi bellashuvda (1:1) 8 marta to‘pni raqibdan olib qo‘yish va 83% uzatmalar aniqligi;
• Konstantinos Simikas (“Liverpul”) — “Benfika”ga qarshi uchrashuvda (3:3) 9 marta to‘pni raqibdan olib qo‘yish va 81% uzatmalar aniqligi;
• Jon Stounz (“Manchester Siti”) — “Atletiko”ga qarshi bahsda (0:0) 5 marta to‘pni raqibdan olib qo‘yish va 90% uzatmalar aniqligi.