“Manchester Siti” “Atletiko”ni ortda qoldirib, Chempionlar Ligasi yarim final yo‘llanmasini qo‘lga kiritdi.
“Shaharliklar” bosh murabbiyi Pep Gvardiola to‘qqizinchi bor YChL yarim finaliga yo‘l oldi va bu borada murabbiylar orasida rekord o‘rnatdi.
Ispaniyalik mutaxassis “Barselona”, “Bavariya” va “Manchester Siti” bilan birga 9 marta nufuzli musobaqa yarim finaliga yo‘l olgan.
Karlo Anchelotti (“Yuventus”, “Milan”, “Real”) va Joze Mourinyo (“Portu”, “Chelsi”, “Inter” va “Real”) esa 8 marotabadan Chempionlar Ligasi yarim finaliga chiqqan.
“Manchester Siti” ketma-ket ikkinchi, o‘z tarixida esa uchinchi bor yarim final yo‘llanmasini qo‘lga kiritdi. 2020/21-yilgi mavsumda Gvardiola shogirdlari finalda “Chelsi”ga mag‘lub bo‘lgandi.
Undan tashqari manchesterliklar 2015/16-yilgi mavsumda ham kuchli to‘rtlik sari yetib borgan va “Real”ga mag‘lub bo‘lib, finalga chiqa olmagandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)