AQSH davlat kotibi Entoni Blinken boshqa davlatlarni Rossiyadan qo‘shimcha energiya resurslarni xarid qilmaslikka chaqirdi. Bu haqda u AQSH mudofaa vaziri Lloyd Ostin, Hindiston tashqi ishlar vaziri Subramaniyam Jayshankar va Hindiston mudofaa vaziri Rajnat Singx bilan o‘tkazilgan qo‘shma matbuot anjumanida ma’lum qildi.
“Har bir davlatda vaziyat turlicha, ehtiyojlari, talablari har xil, ammo biz ittifoqdoshlarimiz va sheriklarimiz Rossiyadan energiya tashuvchilar xaridini oshirmasligiga umid qilamiz”, — deydi Blinken.
Oq uyning yuqori martabali amaldori prezident Jo Bayden va Hindiston bosh vaziri Narendra Modining onlayn uchrashuvi yakunlari bo‘yicha AQSH boshqa mamlakatlar xuddi Vashington kabi Rossiya energiya tashuvchilari importidan voz kecha olmasligini yaxshi tushinishlarini ma’lum qilganini ta’kidlagan. Uning so‘zlariga ko‘ra, davlatlar qanday yo‘l tutish kerakligini o‘zlari hal qilishi lozim. Shu bilan birga, AQSH Hindiston Rossiyadan energiya tashuvchilar importini oshirishi kerak emas, deb hisoblaydi. Amaldorning qayd etishicha, Hindiston Rossiya neftining yirik iste’molchisi hisoblanmaydi. Vashingtonning hisob-kitoblariga ko‘ra, mamlakat importi umumiy importning 1-2 foizini tashkil etadi. Amerika tomoni yetkazib berishni diversifikatsiya qilishda Hindistonni qo‘llab-quvvatlashga va’da bergan.
AQSH Davlat departamenti rahbari, shuningdek, Rossiyadan qurol sotib olish bo‘yicha yangi bitimlarni imzolamaslikka chaqirgan. 2021-yilning noyabrida Rossiya AQSH sanksiyalariga qaramay, Hindistonga C-400 “Triumf” zenit-raketa majmualarini yektkazib berishni boshlagan. Davlat kotibining Janubiy va Markaziy Osiyo bo‘yicha yordamchisi Donald Lu prezident Bayden CAATSA qonuni doirasida Hindistonga nisbatan sanksiyalar qo‘llash yoki qo‘llamaslik bo‘yicha qaror qabul qilishi kerakligini aytgan. Ushbu qonun AQSH sanksiyalari ostida bo‘lgan rossiyalik shaxslarga “sezilarli tranzaksiyalar”ni amalga oshirishda ishtirok etgan Amerika fuqarosi va kompaniyasi bo‘lmaganlarga qarshi cheklov choralarini joriy etish majburiyatini yuklaydi.
Mart oxirida Bloomberg agentligi Rossiya Hindistonga Urals markali neft xaridini oshirish va bir barreliga 35 dollargacha chegirma bilan sotib olish taklifini bergani haqida yozgandi. Birinchi yetkazib berish hajmi 15 million barrel darajasida muhokama qilingan. Rossiya to‘lovlarni rublda amalga oshirishni taklif qilgan. Aprel boshida The Hindu gazetasi Hindiston may oyida yetkazib berish sharti bilan 2 million barrel neft buyurtma qilganini yozgan edi. 24-fevralndan buyon mamlakat Rossiyadan 16 million barrelga yaqin neft sotib olgan, bu 2021-yil davomida xarid qilingan jami neft hajmiga teng.
Izoh (0)