Ijtimoiy tarmoqda Toshkent viloyati Ohangaron tumanida yo‘l-patrul xizmati inspektori xizmat vaqtida uxlab yotgani aks etgan videolavha tarqaldi. Yo‘l harakati xavfsizligi xizmati holatga munosabat bildirdi.
Qayd etilishicha, holat 19-mart kuni A-373 M-39 Guliston—Bo‘ka—Angren—Qo‘qon—Andijon orqali O‘sh avtomobil yo‘lining Ohangaron tumani hududidan o‘tgan 126–127-kilometrlari oralig‘ida sodir bo‘lgan. Shu kuni soat 12:30 larda transport vositalarining tezligini qayd qiluvchi maxsus avtomatlashtirilgan radar moslamasi bilan jihozlangan Nexia-3 xizmat avtomobilida YPX xodimi B.A. uxlab yotgani noma’lum fuqaro tomonidan videotasvirga olingan va ijtimoiy tarmoqda tarqatilgan.
Hozirda ushbu holat yuzasidan Toshkent viloyati Ichki ishlar bosh boshqarmasi mas’ul xodimlari tomonidan xizmat tekshiruvi o‘tkazilmoqda.
Mavzuga doir:
- Toshkentda xizmat vaqtida uxlagan va turli nomaqbul harakatlar qilgan YPX xodimi ishdan olindi
- Andijonda haydovchi bilan qo‘pol munosabatda bo‘lgan YPX xodimi ishdan haydaldi (video)
- Toshkentda YPX xodimi qoida buzgan haydovchining yuziga hujjatlarini otib, ketib qolgani aytilgan video yuzasidan izoh berildi
Izoh (0)