Ижтимоий тармоқда Тошкент вилояти Оҳангарон туманида йўл-патруль хизмати инспектори хизмат вақтида ухлаб ётгани акс этган видеолавҳа тарқалди. Йўл ҳаракати хавфсизлиги хизмати ҳолатга муносабат билдирди.
Қайд этилишича, ҳолат 19 март куни А-373 М-39 Гулистон—Бўка—Ангрен—Қўқон—Андижон орқали Ўш автомобиль йўлининг Оҳангарон тумани ҳудудидан ўтган 126–127-километрлари оралиғида содир бўлган. Шу куни соат 12:30 ларда транспорт воситаларининг тезлигини қайд қилувчи махсус автоматлаштирилган радар мосламаси билан жиҳозланган Nexia-3 хизмат автомобилида ЙПХ ходими Б.А. ухлаб ётгани номаълум фуқаро томонидан видеотасвирга олинган ва ижтимоий тармоқда тарқатилган.
Ҳозирда ушбу ҳолат юзасидан Тошкент вилояти Ички ишлар бош бошқармаси масъул ходимлари томонидан хизмат текшируви ўтказилмоқда.
Мавзуга доир:
Изоҳ (0)