Moliya vazirligi 2021-yil yakunlari bo‘yicha makroiqtisodiy ko‘rsatkichlar sharhini e’lon qildi.
Unga ko‘ra, O‘zbekistonning yalpi tashqi qarzi birinchi marta 40 mlrd dollardan oshib 41,6 mlrd dollarni tashkil qildi.
O‘tgan yilga nisbatan qarz 12,7 foizga oshdi. YaIMga nisbatan yalpi tashqi qarz 0,6 foizga kamayib 60,1 foizni tashkil qildi.
Davlat tashqi qarzi 21,1 milliarddan 23,4 milliardga ko‘paydi. YaIMga nisbatan davlat tashqi qarzi ham 0,1 foizga kamayib 35,1 foizni tashkil qilmoqda. Markaziy bankning pul-kredit siyosati sharhida YaIMga nisbatan davlat tashqi qarzi 37,8 foiz bo‘lishi kutilgan edi. Moliya vazirligi tomonidan O‘zbekistonning shaxsiy davlat qarzi 26,3 mlrd so‘mga yetgani ma’lum qilingan edi. YaIMga nisbatan qarzning kamayishiga qarz ko‘payishi bilan birgalikda YaIMning ham yildan-yilga oshishi sabab bo‘lmoqda.
Avvalroq O‘zbekiston xorijiy moliyaviy institutlardan qanchaga qarzdor ekani haqida xabar berilgan edi.
Izoh (0)