Ichki ishlar vazirining buyrug‘i bilan polkovnik Abduvosit Abdurazzoqov Toshkent shahar ichki ishlar bosh boshqarmasi boshlig‘ining o‘rinbosari — IIBB huzuridagi tergov boshqarmasi boshlig‘i lavozimiga tayinlandi. Bu haqda Tergov departamenti matbuot xizmati xabar berdi.
2021-yilning sentabridan shu kunga qadar polkovnik Dilmurod Mirsodiqov IIBB huzuridagi tergov boshqarmasi boshlig‘i vazifasini bajaruvchisi lavozimida faoliyat yuritayotgan edi.
Abduvosit Abdurazzoqov tayinlovga qadar 2021-yilning mayidan buyon Toshkent shahar Uchtepa tumani Ichki ishlar organlari faoliyatini muvofiqlashtirish boshqarmasi (FMB) boshlig‘i lavozimida ishlab kelayotgandi. Undan oldin esa Sergeli tuman Ichki ishlar organlari FMB boshlig‘i bo‘lgan.
Ma’lumot uchun, Abdurazzoqov 1981-yilda Toshkent shahrida tug‘ilgan. 2002-yilda IIV akademiyasini tamomlagan. So‘ngra ichki ishlar sohasining turli lavozimlarida faoliyat yuritib kelgan.
Izoh (0)