Молия вазирлиги 2021 йил якунлари бўйича макроиқтисодий кўрсаткичлар шарҳини эълон қилди.
Унга кўра, Ўзбекистоннинг ялпи ташқи қарзи биринчи марта 40 млрд доллардан ошиб 41,6 млрд долларни ташкил қилди.
Ўтган йилга нисбатан қарз 12,7 фоизга ошди. ЯИМга нисбатан ялпи ташқи қарз 0,6 фоизга камайиб 60,1 фоизни ташкил қилди.
Давлат ташқи қарзи 21,1 миллиарддан 23,4 миллиардга кўпайди. ЯИМга нисбатан давлат ташқи қарзи ҳам 0,1 фоизга камайиб 35,1 фоизни ташкил қилмоқда. Марказий банкнинг пул-кредит сиёсати шарҳида ЯИМга нисбатан давлат ташқи қарзи 37,8 фоиз бўлиши кутилган эди. Молия вазирлиги томонидан Ўзбекистоннинг шахсий давлат қарзи 26,3 млрд сўмга етгани маълум қилинган эди. ЯИМга нисбатан қарзнинг камайишига қарз кўпайиши билан биргаликда ЯИМнинг ҳам йилдан йилга ошиши сабаб бўлмоқда.
Аввалроқ Ўзбекистон хорижий молиявий институтлардан қанчага қарздор экани ҳақида хабар берилган эди.
Изоҳ (0)