Ijtimoiy tarmoqlarda “Andijonda ko‘cha bo‘lishni xohlab qolgan otasining bolalariga qaraydiganlar bormi?” sarlavhasi ostida videotasvirlar tarqaldi. Andijon viloyati IIB mazkur holatga munosabat bildirib, o‘rganish ishlari olib borilganini ma’lum qildi.
Andijon viloyati IIB mas’ul xodimlari tomonidan olib borilgan tezkor-surishtiruv ishlari natijasida fuqarolar Sh.A., Sh.M. va I.T. oldindan o‘zaro kelishib, ijtimoiy tarmoqlardagi obunachilari hamda ko‘rishlar sonini ko‘paytirish maqsadida rolik olgani aniqlangan.
Ular 6-mart kuni soat 16:30 larda o‘zlariga oldindan tanish bo‘lgan R.M.ga telefon qilib, unga “Firibar” nomli qisqa metrajli rolik ishlashayotganini aytib, ushbu rolikda firibgar roligini o‘ynab berishini iltimos qilishgan.
Uning roziligi bilan Paxtaobod tumani “Durdiyor” MFYda joylashgan 22-uyda “Firibgar ushlandi” mazmunidagi ko‘rinishda do‘pposlanganlik holati sahnalashtirilgan va Sh.Q. tomonidan telefoniga tasvirga olingan.
Mazkur holat yuzasidan ushbu shaxslar hamda ularning ota-onalari ishtirokida profilaktik tushuntirish ishlari olib borilgan.
Ikkinchi videotasvirdagi holatga ham olib borilgan surishtiruv ishlari davomida oydinlik kiritilgan.
Ma’lum bo‘lishicha, Sh.A. va I.T. ijtimoiy tarmoqlar orqali Sh.S. bilan yozishmalar davomida o‘zaro gap talashib qolishi oqibatida 7-mart kuni 19:00 larda Izboskan tumani “Qo‘g‘ay” MFY hududida ko‘rishishib, orani ochiq qilib olish uchun janjallashishgan.
Ushbu jarayonlar I.T. tomonidan telefoniga tasvirga olingan.
Hozirda mazkur holatlar yuzasidan tergovga qadar tekshiruv harakatlari olib borilmoqda.
Bundan oldin Andijon viloyati Asaka tumanidagi maktabda o‘qituvchi o‘quvchini kaltaklagani aks etgan video tarqalgandi. Tuman XTB holatga munosabat bildirib, bolani o‘z onasi urganini ma’lum qilgandi.
Izoh (0)