Professional boksning ikkinchi yarim yengil (-55,34 kg) vazn toifasi vakili Shahobiddin Zoirov (3-0, 2 KO) 11-mart kuni o‘zining navbatdagi jangini o‘tkazadi.
Havaskor boksda Rio Olimpiadasi chempioni 11-mart kuni Angliyaning Esseks grafligida o‘tadigan boks oqshomida ringga chiqadi. Bu haqda МТК Global promouterlik kompaniyasi ma’lum qildi. Zoirovda kim raqib bo‘lishi hali e’lon qilinmagan.
Shahobiddin shu kunga qadar professional boksda uchta jang o‘tkazib, uchalasida ham g‘alaba qozongandi. Debyut jangida indoneziyalik Entoni Holtni nokaut hisobiga mag‘lub etgan bo‘lsa, ikkinchi jangida gruziyalik Mishiko Shubitidzeni ham nokautga uchratgan. Uchinchi jangida hindistonlik Sandib Singh ustidan ochkolar hisobiga g‘alaba qozongan.
Izoh (0)