Butunjahon boks assotsiatsiyasi (WBA) super yarim o‘rta vazn toifasi vakillari (-69,85 kg) Isroil Madrimov (8-0, 6 KO) va Mishel Soro (35-3-1, 24 KO) o‘rtasida chempionlik kamariga majburiy da’vogar maqomi uchun revansh jangi o‘tkazilishini e’lon qildi.
2021-yil 17-dekabr kuni Toshkentda bo‘lib o‘tgan ikki bokschining o‘zaro jangi natijasi saqlanib qolinadi. To‘qnashuvning 9-raundida gong ovozini eshitmagan Madrimov raqibga bir necha zarbalar yo‘llashi natijasida texnik nokaut qayd etilgan edi. Bundan norozi bo‘lgan Soro jamoasi tashkilotga revansh berilishini so‘rab murojaat qilgandi. WBA Soro jamoasining so‘rovini qabul qilgan va Madrimovga revansh jangida ishtirok etish majburiyatini qo‘ygan.
Tomonlarga jang bo‘yicha muzokaralarni yakunlash uchun 30 kun muhlat belgilandi. Kelishuv amalga oshmagan taqdirda ochiq promouterlik savdosi bo‘lib o‘tadi.
WBA Super kamari ayni damda Jermell Charloga (34-1-1, 18 KO) tegishli hisoblanadi.
Izoh (0)