Профессионал бокснинг иккинчи ярим енгил (-55,34 кг) вазн тоифаси вакили Шаҳобиддин Зоиров (3-0, 2 КО) 11 март куни ўзининг навбатдаги жангини ўтказади.
Ҳаваскор боксда Рио Олимпиадаси чемпиони 11 март куни Англиянинг Эссекс графлигида ўтадиган бокс оқшомида рингга чиқади. Бу ҳақда МТК Global промоутерлик компанияси маълум қилди. Зоировда ким рақиб бўлиши ҳали эълон қилинмаган.
Шаҳобиддин шу кунга қадар профессионал боксда учта жанг ўтказиб, учаласида ҳам ғалаба қозонганди. Дебют жангида индонезиялик Энтони Ҳолтни нокаут ҳисобига мағлуб этган бўлса, иккинчи жангида грузиялик Мишико Шубитидзени ҳам нокаутга учратган. Учинчи жангида ҳиндистонлик Сандиб Сингҳ устидан очколар ҳисобига ғалаба қозонган.
Изоҳ (0)