Kanada hukumati Rossiya prezidenti Vladimir Putin, shuningdek, Rossiya hukumatining bir qator yuqori martabali vakillariga qarshi sanksiyalarni rasman joriy qildi, deb xabar bermoqda Toronto Star.
Jumladan, Rossiya tashqi ishlar vaziri Sergey Lavrov, moliya vaziri Anton Siluanov, mudofaa vaziri Sergey Shoygu, adliya vaziri Konstantin Chuychenko va prezident ma’muriyati rahbari Anton Vaynoga nisbatan sanksiyalar tasdiqlandi.
Bundan tashqari, ro‘yxatga Xavfsizlik kengashi raisi o‘rinbosari Dmitriy Medvedev ham kiritilgan bo‘lib, Kanada hukumati avval unga nisbatan choralar ko‘rmagan edi.
Ro‘yxatda Rossiya bosh vaziri Mixail Mishustin, ichki ishlar vaziri Vladimir Kolokoltsev, Moskva meri Sergey Sobyanin va Sankt-Peterburg gubernatori Aleksandr Beglov ham bor.
Kanada bosh vaziri Jastin Tryudo Rossiya prezidenti Vladimir Putin va tashqi ishlar vaziri Sergey Lavrovga qarshi sanksiyalar qo‘llash niyati haqida o‘tgan hafta ma’lum qilgandi.
Avvalroq Avstraliya Putin, Shoygu va Lavrovning mamlakatga kirishini taqiqlagani, AQSh ham ularga qarshi sanksiyalar e’lon qilgani, Rossiyaga qarshi qo‘llangan sanksiyalar oltinning qimmatlashishiga sabab bo‘lgani haqida xabarlar berilgandi.
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Izoh (0)