Nobel mukofoti laureatlari Rossiya hukumatiga ochiq xat yo‘llab, ularni o‘z qo‘shinlarini Ukrainadan olib chiqib ketishga chaqirdi. Xat Nobel Campaigns saytida e’lon qilingan.
“1939-yilda fashistlar Germaniyasi Polshaga (shunga o‘xshash hiylalar va soxta provokatsiyalar bilan) va 1941-yilda Sovet Ittifoqiga hujum qilgani kabi, prezident Putin boshchiligidagi Rossiya hukumati qo‘shni Ukraina davlatiga qarshi harbiy tajovuzni — bu urushdan boshqa narsa emas — boshladi. Ushbu tajovuzda rus xalqi o‘z rolini o‘ynayotganiga ishonmaganimiz sabab so‘zlarni ehtiyot bilan tanladik”, — deyiladi maktubda.
“Ushbu bosqin Rossiyaning keyingi 10 yillikdagi obro‘siga dog‘ tushirdi. Bu uning iqtisodiy taraqqiyotiga to‘siq bo‘lib, aholisi uchun qiyinchiliklar manbasiga aylanadi. Sanksiyalarning qo‘llanilishi iqtidorli va mehnatkash ruslarning dunyo bo‘ylab harakatlanish erkinligini cheklaydi. Rossiya va dunyo o‘rtasiga nega devor qurish kerak?”, — deya ta’kidlanadi xatda.
Mazkur murojaat Nobel mukofotining barcha nominatsiyalari bo‘yicha jami 160 dan ortiq laureati tomonidan imzolangan.
Izoh (0)