Канада ҳукумати Россия президенти Владимир Путин, шунингдек, Россия ҳукуматининг бир қатор юқори мартабали вакилларига қарши санкцияларни расман жорий қилди, деб хабар бермоқда Toronto Star.
Жумладан, Россия ташқи ишлар вазири Сергей Лавров, молия вазири Антон Силуанов, мудофаа вазири Сергей Шойгу, адлия вазири Константин Чуйченко ва президент маъмурияти раҳбари Антон Вайнога нисбатан санкциялар тасдиқланди.
Бундан ташқари, рўйхатга Хавфсизлик кенгаши раиси ўринбосари Дмитрий Медведев ҳам киритилган бўлиб, Канада ҳукумати аввал унга нисбатан чоралар кўрмаган эди.
Рўйхатда Россия бош вазири Михаил Мишустин, ички ишлар вазири Владимир Колоколцев, Москва мери Сергей Собянин ва Санкт-Петербург губернатори Александр Беглов ҳам бор.
Канада бош вазири Жастин Трюдо Россия президенти Владимир Путин ва ташқи ишлар вазири Сергей Лавровга қарши санкциялар қўллаш нияти ҳақида ўтган ҳафта маълум қилганди.
Аввалроқ Австралия Путин, Шойгу ва Лавровнинг мамлакатга киришини тақиқлагани, АҚШ ҳам уларга қарши санкциялар эълон қилгани, Россияга қарши қўлланган санкциялар олтиннинг қимматлашишига сабаб бўлгани ҳақида хабарлар берилганди.
Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live
Изоҳ (0)