Rossiya harbiylari Ukrainaning Xerson shahrini to‘liq o‘z nazoratiga oldi, deya ma’lum qildi Rossiya Mudofaa vazirligi rasmiy vakili Igor Konashenkov.
“Rossiya qurolli kuchlari bo‘linmalari Xerson viloyati markazini to‘liq nazoratga oldi”, — dedi u.
Shuningdek, Zaporojye viloyatining Tokmak va Vasilyevka shaharlari ustidan nazorat o‘rnatildi, deya qo‘shimcha qildi Konashenkov.
Unga ko‘ra, maxsus operatsiya davomida Ukrainaning 1502 ta harbiy obyekti yaroqsiz holga keltirilgan, havodagi 11 ta va yerdagi 47 ta samolyot, shuningdek, 472 ta tank va 46 ta dron yo‘q qilingan.
1-mart kuni Ukraina Qurolli kuchlari Bosh shtabi Rossiyaning Xersonga hujumi haqida xabar bergandi.
O‘z navbatida, shahar meri Igor Kolyxayev shaharda “ko‘plab portlashlar” sodir bo‘lganini, rus harbiylari “ko‘chalar bo‘ylab harakatlanayotgani, okoplar tayyorlab, mudofaalanayotgani”, shuningdek, ular temiryo‘l vokzali va portni egallab olgani haqida aytgan.
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Mavzuga doir:
Izoh (0)