O‘zbekistonning Ozarbayjondagi elchixonasi mahalliy yuk tashuvchilarni yana bir bor yuk mashina haydovchilariga nisbatan jarima sanksiyalari qo‘llanilgan yoki qo‘llanilmaganini tekshirib olishga chaqiradi. Bu haqda “Dunyo” agentligi xabar berdi.
Bu kabi tavsiya Gruziya—Rossiya chegarasidagi “Yuqori Lars” nazorat-o‘tkazish punktini kesib o‘tishda haydovchilarning Rossiya hududiga kirishiga ruxsat bermaslik holatlari davom etayotgani sabab berilmoqda. Bunday harakatlarga chegarani kesib o‘tayotgan haydovchi Rossiya qonunchiligini buzgani, jumladan, turli jarimalarni to‘lamagani uchun deportatsiya qilinganlar ro‘yxatiga kiritilgani sabab bo‘ladi.
Yuzaga kelayotgan muammolar, shuningdek, koronavirus pandemiyasi bilan bog‘liq cheklovlar bilan ham kuchaymoqda.
Shularni inobatga olgan holda o‘zbekistonlik diplomatlar har bir aniq holatda huquqiy yordam ko‘rsatish, vatandoshlar manfaatlarini himoya qilish borasida maqsadli sa’y-harakatlarni amalga oshirmoqda.
Shu munosabat bilan elchixona mahalliy xalqaro yuk tashuvchilarga Rossiya hududiga, shu jumladan, Ozarbayjon va Gruziya orqali reyslarni amalga oshirishdan oldin kirishga taqiq yo‘qligi tekshirib olishni tavsiya qiladi.
Izoh (0)