Toshkent shahri Yunusobod tumanida 26-fevral kuni boshqaruvni yo‘qotgan Spark avtomobili “Shahriston” metro bekati kirish qismiga tushib ketdi. Bu haqda shahar Yo‘l harakati xavsizligi boshqarmasi xabar qildi.
Qayd etilishicha, shu kuni soat 23:30 atrofida haydovchi M.N. (1994-yilda tug‘ilgan) Spark mashinasini Amir Temur ko‘chasi bo‘ylab harakatlanib ketayotganda boshqaruvni yo‘qotib, “Shahriston” metro bekatidan chiqayotgan B.D. (2000-yilda tug‘ilgan) ismli fuqaroni urib yuborgan. Mashina metroning kirish qismiga tushib ketgan.
Oqibatda B.D., M.N. va mashinadagi yo‘lovchi M.N. olgan tan jarohati bilan shifoxonaga olib borilgan.
Holat yuzasidan dastlabki surishtiruv harakatlari o‘tkazilmoqda.
Izoh (0)