Ўзбекистоннинг Озарбайжондаги элчихонаси маҳаллий юк ташувчиларни яна бир бор юк машина ҳайдовчиларига нисбатан жарима санкциялари қўлланилган ёки қўлланилмаганини текшириб олишга чақиради. Бу ҳақда «Дунё» агентлиги хабар берди.
Бу каби тавсия Грузия—Россия чегарасидаги «Юқори Ларс» назорат-ўтказиш пунктини кесиб ўтишда ҳайдовчиларнинг Россия ҳудудига киришига рухсат бермаслик ҳолатлари давом этаётгани сабаб берилмоқда. Бундай ҳаракатларга чегарани кесиб ўтаётган ҳайдовчи Россия қонунчилигини бузгани, жумладан, турли жарималарни тўламагани учун депортация қилинганлар рўйхатига киритилгани сабаб бўлади.
Юзага келаётган муаммолар, шунингдек, коронавирус пандемияси билан боғлиқ чекловлар билан ҳам кучаймоқда.
Шуларни инобатга олган ҳолда ўзбекистонлик дипломатлар ҳар бир аниқ ҳолатда ҳуқуқий ёрдам кўрсатиш, ватандошлар манфаатларини ҳимоя қилиш борасида мақсадли саъй-ҳаракатларни амалга оширмоқда.
Шу муносабат билан элчихона маҳаллий халқаро юк ташувчиларга Россия ҳудудига, шу жумладан, Озарбайжон ва Грузия орқали рейсларни амалга оширишдан олдин киришга тақиқ йўқлиги текшириб олишни тавсия қилади.
Изоҳ (0)