Toshkent viloyatida kelib chiqishi noma’lum bo‘lgan go‘sht mahsulotlari noqonuniy saqlanayotgani aniqlandi. Bu haqda Jamoat xavfsizligi departamenti xabar qildi.
Qayd etilishicha, departament xodimlari Toshkent viloyatidagi kushxonalardan birida tekshiruv o‘tkazgan. O‘rganish natijasida kushxonadagi muzlatkichda kelib chiqishi noma’lum go‘sht mahsulotlari sanitariya-gigiyena talablariga rioya etilmay, noqonuniy ravishda saqlanayotgani aniqlangan.
“Bu go‘sht emas, zooparkka ham bunaqa go‘shtni o‘tkazib bo‘lmaydi”, — deydi mas’ullardan biri.
Qonunbuzarlar ushlangan, ularga nisbatan tegishli tartibda chora ko‘riladi. Holat yuzasidan ekspertiza va tergovga qadar tekshiruv ishlari olib borilmoqda.
Izoh (0)