Ukrainada Oliy Rada majlisi chog‘ida turli fraksiyalardan bir qancha deputatlari AQSh, Britaniya va Kanada bayroqlari bilan parlament minbariga chiqdi. Deputatlar Ukrainani qo‘llab-quvvatlagani uchun mazkur mamlakatlarga ingliz tilida minnatdorlik bildira boshlagan paytda Oliy Rada spikeri ulardan ukrain tilida gapirishni talab qildi.
Ukraina Oliy Radasi 2019-yilda ukrain tilining davlat tili sifatida ishlashini ta’minlash haqidagi qonunni qabul qilgan. Qonunga ko‘ra, ukrain tili davlat tashkilotlari va jamiyatda faoliyat olib borishda asosiy til sifatida tasdiqlangan.
2021-yilning iyul oyida Ukraina Konstitutsiyaviy sudi (KS) ukrain tilini davlat tili sifatida ta’minlash to‘g‘risidagi qonunga muvofiq barcha fuqarolarga ukrain tilini bilishni majburiy etib qo‘ydi.
Mavzuga doir: Ukraina Oliy sudi Vladimir Zelenskiyni prezidentlik vazifasini bajarayotganida ukrain tilida gapirishga majbur qildi
Farmonga ko‘ra, Ukraina Qurolli kuchlarining soni uch yil ichida 100 ming kishiga ko‘paytiriladi, 20 ta yangi brigada tashkil etiladi. Harbiylarning maoshi oshirilib, ular uy-joy bilan ta’minlanadi.
Bundan tashqari, shartnoma asosidagi harbiy xizmatchilarning xizmat muddatini oshirish rejalashtirilgan. “Mamlakatda professional armiyaga o‘tish jarayonining boshlanishi tez orada urush bo‘ladi, degan xavotirlar uchun emas, balki tinchlikka intilish uchun”, — dedi Ukraina rahbari.
Avvalroq Ukrainaga AQShdan yana 84 tonna harbiy yordam yetkazib berilgandi. Bu Amerika harbiy yordamining beshinchi partiyasi bo‘lib, yaqin kunlarda yana bir samolyotning kelishi kutilmoqda.
Yanvar oyining ikkinchi yarmida AQSh va Buyuk Britaniyaning yuk tashuvchi samolyotlari qurol va harbiy texnika yetkazib berish uchun Ukrainaga 15 ga yaqin parvozni amalga oshirdi.
Shuningdek, Kanada Rossiyaning Ukrainaga tajovuzi haqidagi xabarlar fonida mamlakatni har tomonlama qo‘llab-quvvatlashini bildirgan.
Izoh (0)