Janubiy Koreyada pandemiya boshidan buyon ilk bor bir sutkada koronavirus bilan kasallanganlar soni 18 mingdan oshib ketdi. Bu haqda Janubiy Koreya OAVlariga tayanib, “Interfaks” xabar berdi.
Koreya Kasalliklarni nazorat qilish va oldini olish agentligi ma’lumotlariga ko‘ra, so‘nggi 24 soat ichida mamlakatda 18,3 mingdan ortiq odamda koronavirus aniqlangan. Bungacha esa ketma-ket uch kundan buyon sutkasiga 17 mingdan ortiq kishida infeksiya qayd etilgandi.
Shuningdek, o‘tgan kun davomida mamlakatda kasallik oqibatlaridan 17 nafar kishi vafot etgan.
O‘tgan hafta davomida Janubiy Koreyada qayd etilgan koronavirusga chalinish holatlarining 80 foizi omikron shtammiga to‘g‘ri kelmoqda. Sog‘liqni saqlash organlari yuqori shaylik holatida, chunki mamlakatda Oy taqvimi bo‘yicha Yangi yilini nishonlash munosabati bilan kunlik kasallanishlar soni tez orada 20 000 dan oshishi kutilmoqda.
Janubiy Koreyada pandemiyaning butun davri davomida 864 mingga yaqin kishida koronavirus aniqlangan, 6,7 mingdan ortiq odam virus qurboni bo‘lgan.
Mavzuga doir:
- Rossiyada bir sutkada 113 ming kishida koronavirus aniqlandi — bu pandemiya boshidan buyon mutlaq rekord
- Gruziyada bir sutkada 7,5 ming kishida koronavirus aniqlandi — bu pandemiya boshidan beri yangi antirekord
- Fransiyada pandemiya boshidan beri yangi antirekord — bir sutkada 180 mingga yaqin kishida koronavirus aniqlandi
Izoh (0)