Украинада Олий Рада мажлиси чоғида турли фракциялардан бир қанча депутатлари АҚШ, Британия ва Канада байроқлари билан парламент минбарига чиқди. Депутатлар Украинани қўллаб-қувватлагани учун мазкур мамлакатларга инглиз тилида миннатдорлик билдира бошлаган пайтда Олий Рада спикери улардан украин тилида гапиришни талаб қилди.
Украина Олий Радаси 2019 йилда украин тилининг давлат тили сифатида ишлашини таъминлаш ҳақидаги қонунни қабул қилган. Қонунга кўра, украин тили давлат ташкилотлари ва жамиятда фаолият олиб боришда асосий тил сифатида тасдиқланган.
2021 йилнинг июль ойида Украина Конституциявий суди (КС) украин тилини давлат тили сифатида таъминлаш тўғрисидаги қонунга мувофиқ барча фуқароларга украин тилини билишни мажбурий этиб қўйди.
Мавзуга доир: Украина Олий суди Владимир Зеленскийни президентлик вазифасини бажараётганида украин тилида гапиришга мажбур қилди
Фармонга кўра, Украина Қуролли кучларининг сони уч йил ичида 100 минг кишига кўпайтирилади, 20 та янги бригада ташкил этилади. Ҳарбийларнинг маоши оширилиб, улар уй-жой билан таъминланади.
Бундан ташқари, шартнома асосидаги ҳарбий хизматчиларнинг хизмат муддатини ошириш режалаштирилган. «Мамлакатда профессионал армияга ўтиш жараёнининг бошланиши тез орада уруш бўлади, деган хавотирлар учун эмас, балки тинчликка интилиш учун», — деди Украина раҳбари.
Аввалроқ Украинага АҚШдан яна 84 тонна ҳарбий ёрдам етказиб берилганди. Бу Америка ҳарбий ёрдамининг бешинчи партияси бўлиб, яқин кунларда яна бир самолётнинг келиши кутилмоқда.
Январь ойининг иккинчи ярмида АҚШ ва Буюк Британиянинг юк ташувчи самолётлари қурол ва ҳарбий техника етказиб бериш учун Украинага 15 га яқин парвозни амалга оширди.
Шунингдек, Канада Россиянинг Украинага тажовузи ҳақидаги хабарлар фонида мамлакатни ҳар томонлама қўллаб-қувватлашини билдирган.
Изоҳ (0)