Ekvador poytaxti Kitoda kuchli yog‘ingarchilik tufayli yo‘lni suv bosishi oqibatida 11 kishi halok bo‘ldi. Bu haqda Tabiiy ofatlar va xatarlarni boshqarish milliy xizmati xabar berdi.
“Pichincha viloyatining Kito shahrida uzoq davom etgan yomg‘ir suv toshqinlarini yuzaga keltirdi va oqibatda La-Gaskaga eltuvchi yo‘l loyga botdi. Halok bo‘lganlar soni 11 kishini tashkil etmoqda”, — deyiladi xabarda.
Shahar hukumati, shuningdek, 32 kishi jarohat olganini ma’lum qilgan. Hozirda qidiruv-qutqaruv operatsiyalari o‘tkazilmoqda. Shaharda 2003-yildan beri eng ko‘p yog‘ingarchilik qayd etilgan.
Avvalroq Janubiy Afrikaga yopirilgan Ana tropik sikloni yuzaga keltirgan suv toshqinlari oqibatida 70 dan ortiq odam halok bo‘lgan edi. Shuningdek, yana 130 ming kishi o‘z uylarini tark etishga majbur bo‘lgan. Braziliyada esa kuchli yog‘ingarchilik 20 kishining o‘limiga sababchi bo‘lgan.
Izoh (0)