Мексикалик журналист Маргарито Мартинес Тихуанадаги уйи остонасида отиб кетилди. Бу ҳақда журналист ишлаган Cadena Noticias нашрига таяниб, «РИА Новости» хабар берди.
«Тихуаналик полиция хроникаси мухбири Маргарито Мартинес Эскивел бугун тонгда уйидан чиқаётганида отиб кетилган. Полиция тергов бошлаган, аммо бу борада расмий позиция ҳозирча йўқ», — дейди марҳумнинг рафиқаси.
Мартинес минтақавий жиноятчиликка боғлиқ мавзуда маҳаллий ва халқаро нашрлар билан муаллиф ҳамда сураткаш сифатида ҳамкорлик қилиб келган.
Маълумотларга кўра, 2021 йил давомида Мексикада жами етти нафар журналист ўлдириб кетилган — бу дунё мамлакатлари орасида энг юқори кўрсаткич.
2021 йил декабрь ҳолатига кўра, Мексикада бутун мамлакат бўйлаб 2011 нафар ҳуқуқ ҳимоячиси ва 495 нафар журналистни ҳимоя қилиш ташаббуси амал қилмоқда. Мамлакат президенти Лопес Обрадор лавозимга келган 2018 йилнинг декабридан бери расмий маълумотларга кўра, Мексикада 96 нафар фаол, 47 нафар журналист ва ОАВ ходимлари ўлдирилган. Энсинаснинг сўзларига кўра, журналистларга қарши жиноятларнинг 90 фоизи жазосиз қолмоқда.
Изоҳ (0)