Finlyandiyaning Tampere shahrida haydovchisiz boshqariladigan mikroavtobuslarni sinovdan o‘tkazish boshlandi, deb xabar beradi Yle teleradiokompaniyasi.
Ta’kidlanishicha, Nysse kompaniyasining robot avtobuslari yo‘lovchilarni shaharning bir nechta tumanlaridan o‘tgan 3,5 kilometr uzunlikdagi yo‘nalish bo‘yicha tashiydi.
Sensible 4 kompaniyasi vakili Yussi Suomelaning so‘zlariga ko‘ra, avtobuslarga lazerli radarlar o‘rnatiladi. Ekranga lazerli radarga atrofdagi vaziyatni ko‘rish imkonini beradigan qayta ishlanmagan ma’lumotlar chiqariladi. Mazkur tizimdan transport vositasi joylashgan joyni aniqlashda ham foydalaniladi. Haydovchisiz boshqariladigan avtobus soatiga 30 kilometr tezlikda harakatlanadi.
Uning ta’kidlashicha, avtomatlashtirilgan avtobuslarning kelajagi uning iqtisodiy samaradorligiga bog‘liq bo‘ladi.
Avvalroq haydovchisiz boshqariladigan minglab Cruise Origin mashinalari Dubayda taksichilik qilishi, Citroen shahar sharoiti uchun mo‘ljallangan haydovchisiz boshqariluvchi platformalarni namoyish etgani to‘g‘risida xabar berilgandi.
Izoh (0)