Isroilda aprel oyidan boshlab olti oylik va undan katta chaqaloqlarni koronavirusga qarshi emlash boshlanadi, hozirda tegishli sinovlar olib borilmoqda. Bu haqda The Times of Israel’ga tayanib, “Korrespondent.net” xabar berdi.
Pfizer ishlab chiqaruvchisi vaksinani qo‘llash yoshini besh yoshdan olti oylikkacha qisqartirish bo‘yicha klinik sinovlar o‘tkazmoqda. Dekabr oyida kompaniya olti oylikdan besh yoshgacha bo‘lgan bolalarda o‘tkazilgan sinovlarda vaksinatsiya ijobiy xavfsizlik profilini ko‘rsatganini xabar qilgan.
Pfizer’ning odatiy ikkita dozasi bilan emlash ikki yoshgacha bo‘lgan bolalarda kuchli reaksiyaga sabab bo‘lgani aniqlangandan so‘ng, kompaniya ayni paytda 5 yoshgacha bo‘lgan bolalar uchun uchta mini-dozali rejimni sinovdan o‘tkazmoqda.
Avvalroq Isroil hukumati koronavirusning tez tarqalayotgan yangi omikron shtammiga qarshi kurashish uchun 60 yoshdan oshgan fuqarolarning barchasiga vaksinaning to‘rtinchi dozasini olishni tavsiya qilgandi.
Izoh (0)