Финляндиянинг Тампере шаҳрида ҳайдовчисиз бошқариладиган микроавтобусларни синовдан ўтказиш бошланди, деб хабар беради Yle телерадиокомпанияси.
Таъкидланишича, Nysse компаниясининг робот автобуслари йўловчиларни шаҳарнинг бир нечта туманларидан ўтган 3,5 километр узунликдаги йўналиш бўйича ташийди.
Sensible 4 компанияси вакили Юсси Суомеланинг сўзларига кўра, автобусларга лазерли радарлар ўрнатилади. Экранга лазерли радарга атрофдаги вазиятни кўриш имконини берадиган қайта ишланмаган маълумотлар чиқарилади. Мазкур тизимдан транспорт воситаси жойлашган жойни аниқлашда ҳам фойдаланилади. Ҳайдовчисиз бошқариладиган автобус соатига 30 километр тезликда ҳаракатланади.
Унинг таъкидлашича, автоматлаштирилган автобусларнинг келажаги унинг иқтисодий самарадорлигига боғлиқ бўлади.
Аввалроқ ҳайдовчисиз бошқариладиган минглаб Cruise Origin машиналари Дубайда таксичилик қилиши, Citroen шаҳар шароити учун мўлжалланган ҳайдовчисиз бошқарилувчи платформаларни намойиш этгани тўғрисида хабар берилганди.
Изоҳ (0)