O‘zbekistonda nodavlat ta’lim tashkilotlarida ham qishki ta’til muddatini 2022-yil 24-yanvarga qadar uzaytirish maqsadga muvofiq. Bu haqda Ta’lim sifatini nazorat qilish davlat inspeksiyasi bayonotida keltirilgan.
Ma’lumki, 2022-yil 24-yanvarga qadar mamlakatimizdagi barcha umumta’lim maktablari pedagog-o‘qituvchilarning xalqaro standartlarga muvofiq ishlab chiqilgan Milliy o‘quv dasturlari asosida malakalarini oshirish kurslarini tashkil etish belgilangan.Eslatib o‘tamiz, OTM talabalari, akademik litsey va hunar maktablari o‘quvchilari uchun qishki ta’til muddati ham 24-yanvargacha uzaytirilgandi. Keyinroq Xalq ta’limi vazirligi ham respublikadagi umumta’lim maktablarida qishki ta’til kunlari 2022-yil 24-yanvarga qadar uzaytirilganini ma’lum qildi.Yuqoridagilardan kelib chiqqan holda nodavlat ta’lim tashkilotlarida ham qishki ta’til muddatini 24-yanvarga qadar uzaytirish, ularning rahbar va pedagog kadrlarini xalqaro standartlarga muvofiq ishlab chiqilgan Milliy o‘quv dasturlari asosida masofaviy ta’lim shakllarini qo‘llagan holda malaka oshirish kurslariga jalb etish maqsadga muvofiq.
Qishki ta’til davrida o‘quvchilarga oziq-ovqat berilmasligi hamda boshqa sarf-xarajatlar qilinmasligini inobatga olgan holda ularning ota-onalaridan shu muddatlar uchun to‘lov undirilmasligi tavsiya etiladi.
Shuningdek, ta’til davrida o‘quvchilarning bo‘sh vaqtlarini mazmunli o‘tkazish maqsadida ular uchun tashkil qilinayotgan onlayn fan olimpiadalar, intellektual o‘yinlar, kitobxonlik madaniyatini rivojlantirishga qaratilgan bellashuvlar va turli tanlovlarda faol ishtirokini ta’minlash maqsadga muvofiq.
Ta’lim sifatini nazorat qilish davlat inspeksiyasi
Izoh (0)