Prezident Shavkat Mirziyoyev boshchiligida o‘tkazilayotgan xizmatlar sohasida amalga oshirilayotgan ishlar va kelgusi yil rejalar masalalariga bag‘ishlangan videoselektor yig‘ilishida mazkur sohada Quvada – 5 foiz, Marg‘ilon, Beshariq, Taxiatoshda – 6 foiz, Dang‘arada – 7 foiz kabi 5 ta tuman va shaharda 10 foizdan ham kam o‘sish kuzatilgani qayd etildi. Bu haqda “Daryo” muxbiri xabar qildi.
“Mas’ullar masalaning ichiga kirib, mahallabay ishlamagani oqibatida aholiga xizmat ko‘rsatish darajasi pastligicha qolmoqda”, – deydi prezident.
Shuningdek, 2021-yilda qabul qilingan prezident farmoni va qarori bilan xizmatlar sohasi uchun barcha tashkiliy va moliyaviy masalalar yechib berilgani, pandemiya davrida umumiy ovqatlanish, savdo, turizm, transport sohalari uchun berilgan imtiyozlar muddati uzaytirilgani eslatib o‘tildi.
Tadbirkorlar bilan uchrashuvlarda ko‘tarilgan muammolar tahlil qilinib, ularning yechimi bo‘yicha alohida dastur qabul qilingani, 2021-yilda 18 trillion so‘mlik 29 mingta loyiha amalga oshirilib, xizmatlar sohasi 20 foizga o‘sgani aytib o‘tildi.
Mavzuga doir:
Izoh (0)