2021-yilgi Davlat budjetiga kiritilayotgan navbatdagi o‘zgartishlarga ko‘ra, budjet xarajatlari 2,2 trillion so‘mga oshirilmoqda. Bu haqda Telegram’dagi “Davletovuz” kanali xabar berdi.
Xususan:
- fuqarolar tashabbuslari doirasida tuman va shaharlarga qo‘shimcha — 117 milliard so‘m;
- fermer va klasterlarga 2021-yil hosilidan davlatga sotgan g‘allasi uchun subsidiya — 800 milliard so‘m;
- Mo‘ynoq tumanida 5 nafargacha a’zo bo‘lgan har bir oilaga 5 million so‘mdan bir martalik yordam uchun va Qoraqalpog‘istonda ijtimoiy-iqtisodiy muammolari bo‘lgan 21 ta mahalla uchun — 67 milliard so‘m;
- Surxondaryo viloyati aholisini ichimlik suvi bilan ta’minlash loyihasi uchun respublika budjetidan 200 milliard so‘m, Tiklanish va taraqqiyot jamg‘armasidan quvurlarni arzon payti sotib olish uchun 327 milliard so‘m — jami 527 milliard so‘m;
- ijtimoiy infratuzilmani yaxshilash uchun Sirdaryo, Jizzax va Navoiy viloyatlarining har biriga 100 milliard so‘mdan (300 milliard so‘m), Toshkent shahriga 200 milliard so‘m — jami 500 milliard so‘m;
- davlat va jamiyat ehtiyojlari uchun olib qo‘yilgan yer uchastkalari kompensatsiyasiga — 50 milliard so‘m.
- prezident topshirig‘i bilan qishloq xo‘jaligidagi islohotlar, oziq-ovqat xavfsizligi uchun — 1,1 trillion so‘m.
Avvalroq O‘zbekistonda 2022-yil aholi jon boshiga YaIM 2,1 ming dollar bo‘lishi rejalashtirilgani, O‘zbekistonda jismoniy shaxslardan olinadigan mol-mulk solig‘i 2022-yilda qanchaga oshirilishi mumkinligi to‘g‘risida xabar berilgandi.
Izoh (0)