Bugun,

  • USD 11014.01
  • RUB 191.8
  • EUR 10674.78

Shavkat Mirziyoyev “ ‘Yangi O‘zbekiston’ massivlarini qurish va hududlarning ijtimoiy-iqtisodiy rivojlanishini ta’minlash chora-tadbirlari to‘g‘risida”gi qarorni imzoladi. Bu haqda Telegram’dagi “Huquqiy axborot” kanali xabar qildi.

Farmonga ko‘ra, tuman-shahar markazlariga yaqin uy-joyga talab yuqori bo‘lgan hududlarda jami 29 ta “Yangi O‘zbekiston” massivlari quriladi. Massivlarda 619 ta uy-joy (21 ming 321 xonadon), 18 ta maktab, 24 ta bog‘cha, 15 ta tibbiyot muassasasi qurish rejalashtirilgan.

Qayd etilishicha, ko‘p qavatli uy-joylarning qurilish osti yer uchastkalari tadbirkorlarga elektron onlayn-auksion orqali ijara huquqi asosida sotiladi. Shuningdek:

  • uy-joylarga tutash yer uchastkalari mulkdorlarga doimiy foydalanish huquqi asosida ajratib beriladi;
  • massivlarda tashkil etiladigan ishlab chiqarish, savdo va xizmat ko‘rsatish obyektlarini qurish uchun yer uchastkalari tadbirkorlarga elektron onlayn-auksion orqali mulk va ijara huquqlari asosida realizatsiya qilinadi;
  • elektron onlayn-auksionda g‘olib deb topilgan tadbirkorlar ko‘p qavatli uy-joylar qurilishi uchun “SSS” va undan yuqori reytingga ega qurilish tashkilotlarini jalb qilishi mumkin.
Ma’lum qilinishicha, qishloq xo‘jaligiga mo‘ljallangan past rentabelli 489 gektar yer maydoni “Yangi O‘zbekiston” massivlarini qurish uchun aholi punktlarining yerlari hamda sanoat maqsadlariga mo‘ljallangan yerlar toifasiga o‘tkaziladi. 2023-yil 1-yanvargacha toifasi o‘zgarayotgan sug‘oriladigan yer uchastkalari maydonining 5 baravari miqdorida yangi yerlar o‘zlashtiriladi.

Bundan tashqari, avval qurilgan massivlarning bo‘sh turgan uchastkalarida ham uy-joylarni qurish davom ettiriladi.

Eslatib o‘tamiz, davlat rahbari 2-noyabr kuni bo‘lib o‘tgan videoselektor yig‘ilishida “Yangi O‘zbekiston” mavzelari qurilishini ma’lum qilgandi. “Aholining uy-joyga bo‘lgan talabini qondirish uchun kelgusi besh yilda yiliga 80 mingtadan xonadon qurishimiz zarur”, — degan edi prezident.

30-noyabr kuni esa Shavkat Mirziyoyev “Yangi O‘zbekiston” massivlari qurilishiga oid loyiha taqdimoti bilan tanishdi. Loyihaga ko‘ra, 2022-yilda 22 ta yangi massiv barpo etiladi, kichik sanoat zonasi, tadbirkorlik obyektlari tashkil etish orqali kamida 50 mingta ish o‘rni yaratiladi.

2-dekabr kuni ipoteka va qurilish materiallari masalalariga bag‘ishlab o‘tkazilgan videoselektor yig‘ilishida prezident O‘zbekiston bo‘ylab 2022-yil davomida quriladigan “Yangi O‘zbekiston” turar joy massivlari soni 22 tadan 29 taga ko‘paytirilishini, qurilish xarajatlari uchun 16 trillion so‘m ajratilishini ma’lum qildi.

Izoh
Asosiy yangiliklar
Dunyo
Gitlerga maktub yozgan Gandining tug‘ilishi, maxfiy sanalgan Opus Dei tashkiloti va SSSRdagi yadroviy qurollar sinovi. Kun xronologiyasida 2-oktabr
Mahalliy
O‘zbekistonda 2-oktabr kuni harorat kechasi 7 darajagacha pasayadi
Madaniyat
Instagram: Ustozlarini tabriklayotgan mashhurlar, onasiga qo‘shni bo‘layotgan Nilufar Usmonova, Ziyodaning volidasiga atalgan syurprizi