Президент Шавкат Мирзиёев бошчилигида ўтказилаётган хизматлар соҳасида амалга оширилаётган ишлар ва келгуси йил режалар масалаларига бағишланган видеоселектор йиғилишида мазкур соҳада Қувада – 5 фоиз, Марғилон, Бешариқ, Тахиатошда – 6 фоиз, Данғарада – 7 фоиз каби 5 та туман ва шаҳарда 10 фоиздан ҳам кам ўсиш кузатилгани қайд этилди. Бу ҳақда «Дарё» мухбири хабар қилди.
«Масъуллар масаланинг ичига кириб, маҳаллабай ишламагани оқибатида аҳолига хизмат кўрсатиш даражаси пастлигича қолмоқда», – дейди президент.
Шунингдек, 2021 йилда қабул қилинган президент фармони ва қарори билан хизматлар соҳаси учун барча ташкилий ва молиявий масалалар ечиб берилгани, пандемия даврида умумий овқатланиш, савдо, туризм, транспорт соҳалари учун берилган имтиёзлар муддати узайтирилгани эслатиб ўтилди.
Тадбиркорлар билан учрашувларда кўтарилган муаммолар таҳлил қилиниб, уларнинг ечими бўйича алоҳида дастур қабул қилингани, 2021 йилда 18 триллион сўмлик 29 мингта лойиҳа амалга оширилиб, хизматлар соҳаси 20 фоизга ўсгани айтиб ўтилди.
Изоҳ (0)