11-dekabrga o‘tar kechasi AQSh g‘arbidagi sakkizta shtat hududida 50 dan ortiq tornado kuzatildi. Tabiiy ofat oqibatida, ayniqsa, Kentukki shtati talafot ko‘rgan. Dastlabki ma’lumotlarga ko‘ra, tornado oqibatida 74 kishi halok bo‘lgan. Kentukki g‘arbidagi 10 ming kishilik Meyfild shahriga yopirilgan tornado sham ishlab chiqarish fabrikasi, okrug sudi binosidagi minora va ko‘plab uylarni vayron qilgan. Shaharning sakkiz aholisi halok bo‘lgan va yana bir nechtasi bedarak yo‘qolgan. Meyfilddan 100 kilometr uzoqlikda joylashgan 2,5 mingga yaqin odam yashovchi Douson-Springs shaharchasida esa 12 kishi halok bo‘lgan, binolarning 75 foizi vayron bo‘lgan. Meduza tabiiy ofat sodir bo‘lgan shaharlarning suratlarni to‘plab taqdim etdi.
Eslatib o‘tamiz, oktabr oyida AQSh sharqiga yopirilgan bo‘ronli shamol sabab yuz minglab uylar elektrsiz qolgan, martda AQShda sodir bo‘lgan tornado yuzlab uylarga zarar yetkazgandi.
Izoh (0)