“Koronavirusdan keyin dunyoni yanada jiddiy chaqiruvlar kutmoqda” — JSST

Koronavirus pandemiyasi tugagandan so‘ng, insoniyat qashshoqlik, ochlik, tengsizlik, kasalliklar, iqlim o‘zgarishi va boshqa inqirozlarga duch keladi. Bu kabi prognozni 13-dekabr kuni Jahon sog‘liqni saqlash tashkiloti rahbari Tedros Gebreyesus ma’lum qildi, deb xabar beradi “Korrespondent.net”.

Sog‘liqni saqlashni mustahkamlash bo‘yicha 10-global konferentsiyada nutq so‘zlagan JSST rahbari davlatlarni “insonlar va sayyora tinchligi hamda farovonligiga asoslangan iqtisodiy o‘sishni rag‘batlantirishga” chaqirgan.

Gebreyesusning ta’kidlashicha, COVID-19 pandemiyasi “salomatlik xavf ostida bo‘lsa, hamma narsa xavf ostida qolishi”ning yorqin misoli bo‘la oladi, shu sababli u dunyo hamjamiyatini sog‘liqni saqlashga “xarajat sifatida emas, balki birjalikdagi kelajagimiz uchun investitsiya” sifatida yondashishga chaqirgan.

“Davlatlarning sa’y-harakatlari markazida ijtimoiy, iqtisodiy va siyosiy barqarorlikning asosi bo‘lgan aholini tibbiy xizmatlar bilan to‘liq qamrab olishga erishish bo‘lishi kerak”, — deydi JSST rahbari.

Avvalroq Jahon sog‘liqni saqlash tashkiloti bosh direktori Tedros Gebreyesus koronavirusning yangi “omikron” shtammi sabab haddan ortiq jiddiy cheklovlarni joriy etayotganini ma’lum qilgandi.