AQShning Arkanzas, Illinoys, Kentukki va Tennesi shtatlari hududlarida tornado kuzatildi. Tabiiy ofat oqibatida Kentukki shtatida kamida 74 kishi halok bo‘lgan. Bu haqda shtat gubernatori Endi Beshirga tayanib, “Korrespondent.net” xabar berdi.
“Hozirda biz Kentukki shtatida 74 kishidan ayrildik. Biz qurbonlar soni ortishi mumkinligidan xavotirdamiz. Ayni vaqtda Kentukkining 109 fuqarosi bedarak yo‘qolganlar safida”, — deya aniqlik kiritadi shtat rahbari.
Shuningdek, Beshir shtatida bedarak yo‘qolgani aytilgan fuqarolar soni aslida bundan ham ko‘proq bo‘lishi mumkinligi haqida ma’lumot bergan. Uning ta’kidlashicha, tabiiy ofat 360 kilometr davomida kuchsizlanmagan va Kentukkining 120 ta okrugiga talafot yetkazgan.
Eslatib o‘tamiz, oktabr oyida AQSh sharqiga yopirilgan bo‘ronli shamol sabab yuz minglab uylar elektrsiz qolgan, martda AQShda sodir bo‘lgan tornado yuzlab uylarga zarar yetkazgandi.
Izoh (0)