11 декабрга ўтар кечаси АҚШ ғарбидаги саккизта штат ҳудудида 50 дан ортиқ торнадо кузатилди. Табиий офат оқибатида, айниқса, Кентукки штати талафот кўрган. Дастлабки маълумотларга кўра, торнадо оқибатида 74 киши ҳалок бўлган. Кентукки ғарбидаги 10 минг кишилик Мейфилд шаҳрига ёпирилган торнадо шам ишлаб чиқариш фабрикаси, округ суди биносидаги минора ва кўплаб уйларни вайрон қилган. Шаҳарнинг саккиз аҳолиси ҳалок бўлган ва яна бир нечтаси бедарак йўқолган. Мейфилддан 100 километр узоқликда жойлашган 2,5 мингга яқин одам яшовчи Доусон-Спрингс шаҳарчасида эса 12 киши ҳалок бўлган, биноларнинг 75 фоизи вайрон бўлган. Meduza табиий офат содир бўлган шаҳарларнинг суратларни тўплаб тақдим этди.
Эслатиб ўтамиз, октябрь ойида АҚШ шарқига ёпирилган бўронли шамол сабаб юз минглаб уйлар электрсиз қолган, мартда АҚШда содир бўлган торнадо юзлаб уйларга зарар етказганди.
Изоҳ (0)