AOKAda Sanitariya-epidemiologik osoyishtalik va jamoat salomatligi xizmati, Respublika OITSga qarshi kurash markazi mutasaddilari ishtirokida matbuot anjumani o‘tkazildi. Unda Respublikada OITSga chalingan bolalar haqida ma’lumot berildi.
Respublika OITSga qarshi kurash markazi direktori o‘rinbosari Gulifor Normurodovaning qayd etishicha, 10 yillik ma’lumotlarga ko‘ra, ushbu kasallikka chalingan bolalar yildan yilga kamayib bormoqda.
“2020-yil davomida 150 nafarga yaqin bolada OITS kasalligi aniqlandi. Yil bo‘yicha deganda buni umumiy tushunish kerak, chunki bu kasallik bugun yuqib, ertaga aniqlanmaydi, balki 10-20 yil avval yuqqan bo‘lishi mumkin. Lekin aniqlangan vaqti 2020-yilga to‘g‘ri keladi”, – Gulifor Normurodova.
Sanitariya-epidemiologik osoyishtalik va jamoat salomatligi xizmati boshlig‘i o‘rinbosari Botir Qurbonovning ta’kidlashicha, 2020-yilda qayd etilgan kasallikni qariyb 10 foizini bolalar o‘rtasida kasallik tashkil etgan.
“Bolalar o‘rtasidagi kasallanish holatlari hududlar kesimida ham kattalardagi singari aholi gavjum bo‘lgan yoki aholining yashash tarzi boshqa markaziy shaharlarga nisbatan serqatnovligi va rivojlanib borishiga qarab ko‘proq qayd etiladi.
Xususan, Toshkent shahri, Andijon, Samarqand va Farg‘ona viloyatida boshqa hududlarga nisbatan ko‘proq aniqlangan. Qaysiki viloyatda ko‘p kasallik qayd etilgan bo‘lsa, parallel ravishda xuddi shu viloyatda bolalar o‘rtasida ham ko‘proq kasallik qayd etilgan”, – deydi Botir Qurbonov.
Izoh (0)