Qashqadaryo viloyati sobiq hokimi Zoir Mirzayev Toshkent viloyati hokimi etib tayinlandi. Bu xabarni “Daryo” manbasi tasdiqladi.
2018-yilning fevralidan buyon Davlat bojxona qo‘mitasi raisi lavozimida ishlab kelayotgan Murotjon Azimov prezident farmoni bilan Qashqadaryo viloyati hokimi vazifasini bajaruvchi etib tayinlandi.
Ma’lumot uchun, Zoir Mirzayev 1968-yilda Samarqand viloyati, Jomboy tumanida tug‘ilgan. 1994-yilda Toshkent moliya institutini iqtisodchi mutaxassisligi bo‘yicha tamomlagan.
Hokim sifatidagi ish faoliyatini 2003-yil Jomboy tumanidan boshlagan. 2008—2010-yillarda Samarqand shahar hokimi, 2010—2016-yillarda esa Samarqand viloyati hokimi bo‘lgan.
Qashqadaryo viloyat hokimi sifatida 2019-yilning oktabridan buyon ishlab kelayotgandi. Unga qadar bosh vazir o‘rinbosari hamda qishloq va suv xo‘jaligi vaziri lavozimlarida faoliyat yuritgan. 2018-yil oktabrida “Oqqo‘rg‘on voqeasi” sabab ishdan olinib, Sharof Rashidov tumaniga hokim etib tayinlangandi.
Zoir Mirzayev 2021-yilda “A’lo xizmatlari uchun” ko‘krak nishoni bilan taqdirlangan. Mazkur nishonga qadar 2014-yil “Mehnat shuhrati” ordeni, Mustaqillikning 15, 20 va 25 yilligi ko‘krak nishoni, Milliy gvardiyaning “Namunali xizmatlari uchun” ko‘krak nishoni, “O‘zbekiston Respublikasi qishloq xo‘jaligi fidoyisi” ko‘krak nishonlari bilan taqdirlangan.
Izoh (0)