1-noyabr kuni O‘zbekiston koronavirusga qarshi vaksinatsiya jarayonlari boshlanganiga 7 oy to‘ldi. O‘tgan muddat davomida emlash jarayoniga eng avval jalb qilingan 65 yoshdan oshgan fuqarolar uchun jami 1 886 717 doza vaksina ishlatilgan. Bu haqda SSV matbuot xizmati xabar berdi.
Ularning:
- 876 489 dozasi birinchi,
- 696 916 dozasi ikkinchi,
- 313 312 dozasi uchinchi bosqichda qo‘llanilgan vaksinalardir.
Ma’lumot uchun, mamlakatda aholini koronavirusga qarshi emlash tadbirlari 1-apreldan boshlandi. Emlash ixtiyoriy va bepul, vaksina olishdan bosh tortganlarga hech qanday chora ko‘rilmaydi. Iyun oxiridan boshlab esa Toshkentda 18 yoshdan oshganlar koronavirusga qarshi ommaviy emlash boshlangandi.
Eslatib o‘tamiz, 2021-yilning 28-sentabridan O‘zbekiston bosh davlat sanitariya vrachi va milliy texnik immunologik ekspert komissiyasining qaroriga asosan, mamlakatda ota-onalar va vasiylarining roziligi asosida, ixtiyoriy ravishda 12 yoshdan katta bolalarni Pfizer vaksinasi bilan emlash yo‘lga qo‘yilgan. 3-noyabr holatiga ko‘ra, O‘zbekistonda 215 ming nafardan ortiq bola Pfizer/BioNTech vaksinasi bilan ixtiyoriy ravishda emlangan.
Izoh (0)