1 ноябрь куни Ўзбекистон коронавирусга қарши вакцинация жараёнлари бошланганига 7 ой тўлди. Ўтган муддат давомида эмлаш жараёнига энг аввал жалб қилинган 65 ёшдан ошган фуқаролар учун жами 1 886 717 доза вакцина ишлатилган. Бу ҳақда ССВ матбуот хизмати хабар берди.
Уларнинг:
- 876 489 дозаси биринчи,
- 696 916 дозаси иккинчи,
- 313 312 дозаси учинчи босқичда қўлланилган вакциналардир.
Маълумот учун, мамлакатда аҳолини коронавирусга қарши эмлаш тадбирлари 1 апрелдан бошланди. Эмлаш ихтиёрий ва бепул, вакцина олишдан бош тортганларга ҳеч қандай чора кўрилмайди. Июнь охиридан бошлаб эса Тошкентда 18 ёшдан ошганлар коронавирусга қарши оммавий эмлаш бошланганди.
Эслатиб ўтамиз, 2021 йилнинг 28 сентябридан Ўзбекистон бош давлат санитария врачи ва миллий техник иммунологик эксперт комиссиясининг қарорига асосан, мамлакатда ота-оналар ва васийларининг розилиги асосида, ихтиёрий равишда 12 ёшдан катта болаларни Pfizer вакцинаси билан эмлаш йўлга қўйилган. 3 ноябрь ҳолатига кўра, Ўзбекистонда 215 минг нафардан ортиқ бола Pfizer/BioNTech вакцинаси билан ихтиёрий равишда эмланган.
Изоҳ (0)