Samarqand viloyatida 2021-yilda 30 ta holatda maktab o‘quvchilari tomonidan jinoyatlar sodir etilgan. 2021-yilda 235 nafar maktab o‘quvchilari ichki ishlar organlari tomonidan profilaktik hisobga olingan. Bu haqida viloyat xalq ta’lim boshqarmasi boshlig‘i Zebiniso Shodiyeva bilan bo‘lib o‘tgan matbuot anjumanida ma’lum qilindi.
Tizimda bu kabi kamchiliklarga yo‘l qo‘yib, o‘z lavozim vazifalarini lozim darajada bajarmay, mas’uliyatsizlik qilib kelayotgani uchun 1 nafar tuman Xalq ta’limi bo‘limi sho‘ba rahbari, 2 nafar maktab direktorlari, 1 nafar direktor o‘rinbosari, 4 nafar maktab psixologlari bilan tuzilgan mehnat shartnomalari bekor qilingan.
Shuningdek, 2 nafar maktab direktorlariga nisbatan Mehnat kodeksining 181-moddasi 2-bandiga asosan o‘rtacha oylik ish haqining 30 foizdan ortiq bo‘lmagan miqdorda intizomiy jazo chorasi qo‘llanilgan. Bir nafar tuman Xalq ta’limi bo‘limining sho‘ba rahbari, 25 nafar maktab direktorlari, 8 nafar direktor o‘rinbosarlari, 6 nafar sinf rahbarlariga nisbatan Mehnat Kodeksining 181-moddasi, 1-bandiga (mehnat intizomini buzish) asosan “hayfsan” intizomiy jazo chorasi qo‘llanilgan.
Izoh (0)