Ayni vaqtda Oliy Majlis Senatining yangi binosida Prezidentlikka saylangan Shavkat Mirziyoyevning inauguratsiya marosimi bo‘lib o‘tmoqda. Prezident sifatida qasamyod qabul qilgan Shavkat Mirziyoyev o‘z nutqida quruq va yolg‘on gaplar, tagi puch raqamlar ziyon keltirishi haqida gapirdi, deb xabar beradi “Daryo” muxbiri.
Shavkat Mirziyoyev kelgusi besh yil uchun ustuvor yo‘nalishlarni belgilash asnosida, o‘tgan davrda erishilgan yutuqlar bilan birga, yo‘l qo‘yilgan xato va kamchiliklarni ham tanqidiy nuqtayi nazardan chuqur tahlil qilish lozimligini ta’kidlagan.
Nega deganda, o‘z kelajagini o‘z qo‘li, o‘z kuchi bilan yaratishga bel bog‘lagan xalq va millat kechagi kundan to‘g‘ri saboq chiqarib, oldinga intilib yashaydi. Saylovoldi uchrashuvlarida mamlakatimizdagi har bir shahar va tumanni ijtimoiy-iqtisodiy, madaniy va ma’rifiy rivojlantirish bo‘yicha yangi rejalar tuzdik.Avvalroq Prezident sifatida qasamyod qabul qilgan Shavkat Mirziyoyev o‘z nutqida prezident saylovidagi raqiblariga minnatdorlik bildirgani to‘g‘risida xabar berilgandi.Hozirgi kunda ana shu takliflarni umumlashtirib, Qoraqalpog‘iston Respublikasi, viloyatlar va Toshkent shahri bo‘yicha alohida-alohida dasturlarni ishlab chiqmoqdamiz va ularni yillar kesimida amalga oshiramiz.
Men bundan besh yil oldin, ya’ni Prezidentlik faoliyatimni boshlagan ilk kunlarda aytgan fikrimni yana takrorlayman: menga soxta va balandparvoz gaplarning keragi yo‘q. Quruq va yolg‘on gaplar, tagi puch raqamlar – bu faqat o‘zimizni aldash bo‘ladi. Bu faqat ishimizga ziyon yetkazadi.
Biz uchun umumiy ishimiz va harakatimizga foyda beradigan g‘oya va fikrlar, amaliy taklif va tashabbuslar, aniq natijalar kerak. Bundan boshqa yo‘lni men mutlaqo qabul qilmayman.
Shavkat Mirziyoyev, O‘zbekiston Prezidenti
Izoh (0)