Toshkent shahrining Olmazor tumanida sodir bo‘lgan yo‘l-transport hodisasi oqibatida bir kishi halok bo‘ldi, deb xabar beradi IIV YHXBB axborot xizmati.
Ma’lum qilinishicha, 22-oktabr kuni soat 08:10 larda tumanning Qamarniso ko‘chasida 19 yoshli A.B boshqaruvidagi Nexia-3 avtomobili yo‘l harakati qoidalarini buzgan holda qarama-qarshi yo‘nalishga chiqib ketgan. Natijada mashina 1958-yilda tug‘ilgan fuqaro boshqaruvidagi Spark bilan to‘qnashuv sodir etgan.
Avariya oqibatida Spark ichida bo‘lgan 53 yoshli yo‘lovchi olgan tan jarohatlari sabab vafot etgan.
Holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-modda (transport vositalari harakati yoki ulardan foydalanish xavfsizligi qoidalarini buzish) 2-qismi bilan jinoyat ishi qo‘zg‘atilgan. Hozirda tergov harakatlari olib borilmoqda.
Avvalroq Qo‘yliqda Isuzu avtobusi va ikki yengil avtomobil to‘qnashgani, Toshkentda Lacetti qayrilib olishga uringan Mercedes-Benz avtobusiga kelib urilgani, Toshkentda Spark oynasidan tanasini chiqarib, tik turgan holatda “syomka” qilgan shaxs javobgarlikka tortilgani to‘g‘risida xabar berilgandi.
Izoh (0)