Dunyo aviakompaniyalari samolyotlarining uchuvchilari koronavirus pandemiyasi tufayli uzoq davom etgan tanaffusdan keyin ishga qaytgach, havoda tobora ko‘proq xatoliklarga yo‘l qo‘ymoqda. Bu haqda Bloomberg kompaniyalar xodimlariga tayanib xabar berdi.
Misol tariqasida nashr so‘nggi oylarda AQShda yuz bergan ba’zi hodisalarni keltirib o‘tdi.
Amerika aviakompaniyalaridan birining uchuvchisi majburiy tanaffusdan keyin ishga qaytgach, parvoz qilish uchun o‘z samolyotining ikkinchi dvigatelini ishga tushirishni unutgan. U parvozni o‘z vaqtida to‘xtatmaganida, bu xatolik halokatga olib kelishi mumkin edi.
Yana bir uchuvchi yetti oylik tanaffusdan so‘ng ishga qaytib, samolyotni qo‘ndirish chog‘ida shassini ochmaganini juda kech tushungan va uchish-qo‘nish yo‘lagiga atigi 240 metr qolganida ikkinchi marta aylanib, so‘ng qo‘ngan.
Yaqinda esa bort kapitani yarim yil ichida birinchi marta rulga o‘tirib, aeroportdan uchib chiqqandan keyin samolyotni boshqa tomonga qarab olib ketgan.
Nashr qayd etishicha, bu xavfsizlikka tahdidlarni aniqlashga mo‘ljallangan tor profilli ma’lumotlar bazasida uchuvchilar tomonidan maxfiy tarzda ma’lum qilingan holatlarning hammasi emas. Voqealarning har bittasida ekipaj o‘z kompaniyasini pandemiya chog‘ida parvozlar yetishmasligida ayblagan.
“Bu haqiqatan ham mushkul vaziyat. Baxtsiz hodisalar hozir sohaga kerak bo‘lgan so‘nggi narsa”, — deya Bloomberg Deutsche Lufthansa AG kompaniyasi uchuvchisi Uve Xarterning gaplaridan iqtibos keltirdi, u 2020-yil fevralidan buyon parvozlarga chiqmagan.
Uchuvchining so‘zlariga ko‘ra, ba’zi aviakompaniyalar ularga tegishli qayta tayyorlov kursini taqdim etmoqda, ammo ularning aksariyati “eng minimum” imkoniyatlarni taklif etmoqda yoki umuman hech qanday chora ko‘rmayapti.
Bloomberg eslatishicha, o‘tgan yili aviatsiya sohasi 138 milliard dollar yo‘qotgan bo‘lsa, 2021-yilda yana 52 milliard zarar ko‘rilishi kutilmoqda.
Izoh (0)