“Arvoh shaharlar”: Xitoyning bo‘m-bo‘sh megapolislari
5-oktabr kuni Xitoyning yana bir yirik qurilish kompaniyasi Fantasia Holdings Group obligatsiyalar bo‘yicha qarzini o‘z vaqtida to‘lay olmadi. Undan bir hafta oldin, Evergrande Group quruvchi kompaniyasi defolt yoqasida ekanini xabar qilgandi. Xolding XX asr oxiri — XXI asr boshlarida nihoyatda avj olgan qurilish ishlarida faol ishtirok etgandi, bunday shiddatli qurilishlar Xitoyda “arvoh shaharlar” paydo bo‘lishiga olib keldi. “Kommersant” Xitoyning kimsasiz megapolislaridan olingan suratlarni jamladi.
2000-yillarda Xitoyda qurilish o‘ta faollashdi, bu mamlakat fuqarolariga o‘z nomiga uy sotib olishga ruxsat berilgani bilan ham bog‘liqdir. Suratda: Eyfel minorasining kichraytirilgan nusxasi o‘rnatilgan Tianducheng shahri.Foto: Reuters
XXRda keng miqyosda yangi tumanlar bilan birga butun boshli shaharlarni qurish boshlandi. Suratda: Chengun shahri, 2010-yillarning o‘rtalarida u yerda 100 mingdan ortiq bo‘sh kvartiralar bo‘lgan, o‘shandan buyon aholi bu shaharga asta-sekin o‘rnashmoqda.Foto: Getty Images
Uy-joy bilan birgalikda infratuzilma — yo‘llar, savdo markazlari, maktablar, kasalxonalar, kutubxonalar ishga tushirilmoqda. Aholi yashamaydigan shaharlarda obyektlar ko‘pincha bitkazilmay qolib ketadi. Suratda: Tyanszin yaqinidagi Yujiapu moliyaviy tumanidagi qurilishi tugallanmagan ko‘prik.Foto: Reuters
Ichki Mo‘g‘ulistonning Ordos shahar okrugidagi Kanbashi tumani. Tuman 2000-yillarning boshlarida yaqin atrofda ko‘mir konlari topilganidan keyin obod bo‘la boshladi.Foto: Reuters
Cho‘l o‘rtasida qurilgan, kamida 1,5 million aholiga mo‘ljallangan tuman uzoq yillar davomida bo‘m-bo‘sh edi. U yerda aholi asta-sekin ko‘payib bormoqda: hozir tumanda 100 mingdan ortiq odam yashaydi.Foto: Reuters
Ko‘plab uy-joylar qimmatligi sabab talabgir emas — aksariyat xitoyliklarning unga qurbi yetmaydi. O‘ziga to‘q kishilar esa rivojlangan va odamlar istiqomat qilayotgan shaharlarda yashashni afzal ko‘radi. Suratda: Shanxayning Pudun tumaniFoto: Reuters
Shanxayning Pudun tumani ham ilgari “arvoh shahar” deb atalgan.Foto: Reuters
Hozir u Xitoydagi eng yirik shaharning yorqin tumanlaridan biri.Foto: Reuters
Tyanszin shahri yaqinidagi Binxay tumanining Yujiapu moliyaviy markazi (rasmda)ni “Xitoy Manxetteni”ga aylantirish rejalashtirilgan edi. Biroq bu yerdagi ko‘plab ofis binolari haliyam bo‘m-bo‘sh.Foto: AFP
Chjenjou shahrining yangi Chjendun tumani (rasmda) ham uzoq vaqt “arvoh shahar” bo‘lib kelgan. Biroq 2015-yilda u yerda 1,1 million aholi bor edi. 2019-yildan 2020-yilgacha tuman aholisi 27,5 foizga o‘sdi, uy-joy narxlari esa oxirgi o‘n yil ichida o‘n barobar oshdi.Foto: AFP
Lanchjou shahrining yangi tumani (rasmda) ham “arvoh shahar” hisoblanadi — uning o‘sish sur’ati kutilganidan ancha past bo‘lib chiqdi.Foto: Getty Images
Ordos shahar okrugining Kanbashi tumani markaziy maydoniFoto: Getty Images
Inkou shahridagi ko‘plab yangi binolarga ham deyarli talab yo‘q.Foto: Reuters
Shaharda 2,5 millionga yaqin aholi yashasa-da, aksariyat binolar bo‘sh.Foto: AFP
Shandun viloyati Rushan shahridagi bo‘sh uylar.Foto: AFP
“Arvoh shaharlar” haqida rasmiy statistika yo‘q, lekin turli ma’lumotlarga ko‘ra, Xitoyda 12 tadan 50 tagacha shunday aholi punktlari bor. Suratda: Tanshan shahar okrugining Saofeydyan tumani.Foto: Getty Images
Izoh (0)